tuma havaon se lade ho
vir ho tum!
thak gae hoge
jara vishram kar lo
vriksh kee chhaya
tumhen shital lagegi
is nadi ka jala
tumhen mitha lagega
krodh ko tum shant kar lo
fir jara socho-vicharo,
kyon lade ho vayu se tum ?
ped tumane kat dale
nir men kyon vish udela ?
koee inamen janmadata
koee hai jivan-pradata
kyon tumhare shatru hain fir ?
vayumandal men dhuaan hai
vriksh ke bas thoonth bakee
aur nadiyon men
pravahit ho raha hai
mal hamara aur vishtha
